Во оваа градина, луѓето не им приоѓаат на растенијата без заштитно одело.
Отровната градина Алнвик се наоѓа во Нортамберленд, Велика Британија и е дел од комплекс кој вклучува замок и други класични градини кои постепено се создавани уште од 1750 година. Отровната градина е додадена во 2005 година и оотогаш стана главна атракција.
Во неа има над 100 растенија со различен степен на токсичност, собрани од целиот свет. На влезот има предупредување: „Овие растенија можат да ве убијат“.
Скоро 800.000 посетители годишно минуваат низ градината, а познато е дека некои од нив се имаат онесвестено. Дел од овие растенија изгледаат многу убаво, па тешко е да се замисли дека се многу опасни.
Насекаде околу билките има предупредување дека не треба да се допираат, мирисаат или да се ставаат во уста, а децата мора постојано да бидат под родителски надзор.
Секое растение има даден опис колку отрови содржи, кои се симптомите на труење, како може да убијат човек, за што се користеле билките или како некои од нив се користат денес и слично.