Има малку компании кои се способни да претворат одличен автомобил во нешто уште подобро, а Lanzante дефинитивно е на таа ексклузивна листа.
Следниот месец на аукција ќе биде продаден еден од најдобрите McLaren автомобили што излегле од британската работилница на Lanzante, а се проценува дека новиот сопственик ќе издвои меѓу 1,4 и 1,6 милиони евра.
Тоа е специјален модел Senna GTR познат како LM 25. Lanzante го лансираше својот LM 25 во 2020 година за да ја одбележи 25-годишнината од F1 GTR победата на 24 часа Ле Ман, а беа произведени само седум примероци за да ги претставуваат сите седум болиди што учествуваа во гореспоменатата трка во 1995 г.
Senna GTR прикажан на фотографиите е обоен во иста светло сива боја како и познатата Tokyo Ueno Clinic F1 GTR, доби лесни ковани бандажи од алуминиум и карбонски влакна, ја носи ознаката Tokyo Uneo Clinic зад вратите, како и тркачкиот број 59 на прозорците на вратата.
Внатрешноста содржи неколку уникатни детали, карбонските седишта се слични на оние на моделот F1 GTR, појасите се сини, а поставени се и перфорираните златни педали. Lanzante постави карбонски волан и реплика налепница на задната преграда на моделот F1 GTR.
Аукциската куќа RM Sotheby's наведува дека Lanzante не само што го преобразил автомобилот во модел LM 25, туку дека е легален и за британските патишта, што го прави уште попосакуван. Поминал помалку од 2.000 километри и последен пат бил сервисиран во септември 2023 година.
Ќе се продава со оригинална документација, слушалки со систем за комуникација наменети за возачот и патникот, како и алат за вадење тркала со централна завртка.
