Сензација во Купот на Германија.
Третолигашот Сарбрукен направи чудо и го исфрли шампионот Баерн со 2:1. Натпреварот започна очекувано и Баерн поведе со голот на Томас Милер во 16. минута. Но, две минути подоцна се случи нешто што ги шокираше Баварците, а можеби и го реши натпреварот.
Клучниот играч на одбраната на Баерн, Матијс де Лихт по еден дуел колабира на тревата и од болки го стегна коленото. Веднаш се виде дека се работи за сериозна повреда. По пет минути асистенција, Холанѓанецот беше изнесен од теренот, а новинарот на германскиот ARD, Флоријан Нас, пишува дека Де Лихт ги повредил медијалните лигаменти и најверојатно ќе биде надвор од терените неколку месеци.
Патрик Зонтхајмер го започна пресвртот на германскиот нисколигаш со гол во првата минута од судиското надополнување, а конечните 2:1 ги постави Марсел Гаус со гол во 96. минута.
