Полицијата на Хаваи почна да користи роботи кои проверуваат дали бездомниците имаат симптоми на коронавирус, што предизвика полемика дали е тоа корисно или станува збор за дехуманизација.
Роботот Spot делува на улиците на Хонолулу, а се користи за проверка на бездомниците дали имаат висока температура и слично. Од полицијата тврдат дека тоа е безбеден начин за проверка на симптоми.
Но, според застапниците за човекови права, ова е дехуманизација. Стравуваат дека роботите по завршување на пандемијата, ќе се користат во други цели.
Поручникот Џозеф ОНил претходно годинава го оправдуваше користењето роботи. Се смета дека нивната употреба го штити здравјето на полицајците, вработените во прифатилишта за бездомници и други граѓани.
Роботот се користи и за разговор со оние за кои ќе се утврди дека се позитивни на коронавирусот.
