Канадската порно актерка Аугуст Ејмс, чие вистинско име е Мерцедес Грабовски, изврши самоубиство со бесење минатата недела. Имала тешко детство и со години се борела со депресија и биполарно пореметување. Притисокот бил премногу голем за 23-годишната девојка.
Во едно од нејзините последни интервјуа, Ејмс изјавила:
„Кога бев девојче дедо ми, татко на татко ми, сексуално ме злоставуваше. И денес имам многу лош однос со татко ми. Се обидував да разговарам со него за моето детство и за тоа како дедо ми ме злоставуваше, но тој не ми веруваше.“
Таа не ги криела нејзините трауми, но не наишла на разбирање од околината. Татко ѝ сметал дека лаже.
Последен пат контактирале неколку недели пред нејзината смрт. Таа барала заштита и разбирање од татко ѝ.
„Често размислував за сѐ. Тогаш паѓав во депресија и не бев способна да работам“, изјавила Ејмс.
Аугуст била тинејџерка кога прв пат дошла во контакт со дрога.
„Работев како дадилка кога имав 15 години. Таткото на детето што го чував ми понуди кокаин, ако се соблечам гола пред него. Се согласив, но тоа е одамна завршено“, изјавила Ејмс тогаш.
Се занимавала и со манекенство, а снимила над 250 филмови. Нејзиниот сопруг Кевин Мур изјави дека тешко го поднела последното малтретирање на Twitter кога рекла дека нема да снима филм со маж кој претходно работел со хомосексуалци.
„Таа беше најпријатната личност која ја познавам и за мене таа беше целиот свет. Во ваквите моменти, барам да ни оставите малку приватност, на мене и на нејзиното семејство“, изјави Мур.