Извршниот директор на Porsche предупреди дека секојдневната работа на германскиот автомобилски гигант може да претрпи последици од „многу сериозниот“ глобален недостиг на полупроводници во текот на наредните месеци.
„Проблемот е многу сериозен бидејќи целата индустрија беше погодена од големата побарувачка на електроника и побрзото опоравување на автомобилскиот сектор“, рече Оливер Блуме, извршен директор на Porsche.
„Поблемите би можело да ни се одразат секојдневно, па затоа многу длабоко ја следиме состојбата за да видиме што може да се направи“, додаде Блуме.
На прашањето дали Porsche ќе биде принудена да го преиспита овој модел на синџир на снабдување чипови, Блуме одговори: „Да. За иднината е многу важно да се размислува за синџирот на снабдување “.
„Треба да размислиме каков склад навистина ни треба за ваквите залихи. Треба да бидеме пофлексибилни и подлабоко да ги испланираме непосредните капацитети “.
Акциите на Porsche пораснаа за 15% од почетокот на годинава. Цената на акциите на гигантот малку се промени во последните 12 месеци.