За вашиот утрешен десерт предлагаме да подготвите сува пита со ореви. Оваа пита со ореви е одличен избор за посната трпеза. Многу е вкусна и лесна за подготовка.
За подготовка на ова пита ќе биде потребно да набавите намирници кои можете да ги најдете во локалната продавница, и потоа да ги следите упатствата кои се наоѓаат подолу.
Состојки:
800 грама тенки готови кори за пита
500 грама мелени ореви
600 грама шеќер
1 лажица цимет
изрендана кора од лимон
сок од половина лимон
1 кесичка ванила
1 шолја масло
Подготовка:
Разликата помеѓу посната и мрсната сува пита е само во тоа што во посната пита не треба да додавате путер, туку да го зголемите количеството на масло. 100 грама шеќер измешајте со оревите, циметот и кората од лимон. Во подмачканиот плех редете ги корите, прскајте ги со масло и ставајте го филот од оревите , шеќерот и кората од лимон. На површината ставете празна кора и испрскајте ја со мешавината од вода и масло и кафена шолја минерална вода. Сечете ја питата на ромбоиди. Печете ја питата на температура од 200 степени околу 40 минути. Шеќерот прелејте го со 6 лажици вода и варете кратко време. Додадете го сокот од лимонот. Прелејте ја питата со овој шербет и вратете ја во рерна за да се впие шербетот. Температурата овој пат треба да биде сосема тивка. На истиот начин можете да ја подгответе посната баклава. Во незиниот фил можете да ги додадете мелените бадеми, а во шербетот повеќе вода и шеќер.
Пријатен апетит!
