Срцевиот удар може да биде застрашувачки, но ако научите кои се неговите знаци и кои чекори да ги преземете, може да спасите животи, вклучително и вашиот.
Според докторите, повеќето луѓе кои доживеале срцев удар првин искусиле некои од овие симптоми.
Болка во градите
Болка во градите често е знак на срцев удар. Може да биде последица од блокиран или намален проток на крвта во срцето, но и знак на предупредување дека би можело да дојде до срцев удар. Кардиологот Џефри Чемерс за Eat This појасни дека станува збор за болка која може ненадејно да се појави, па да исчезне, понекогаш додека се напрегаме. Ако болката стане постојана, веднаш побарајте лекарска помош.
Умор
Чувство на необичен умор би можел да биде уште еден знак на срцев удар, особено ако се појавува покрај болка во градите. Од прилика две од три лица кои доживуваат срцев удар чувствуваат болка во градите, отежнато дишење или умор неколку дена или недели пред нападот.
Болки во телото
Во текот на срцев удар, болка од средината на градниот кош може да се рашири на грбот, главата или рацете. Понекогаш болката се чувствува во подрачјето на желудникот што може да се замени со дигестивни проблеми. Обично е посилна, подолготрајна и не минува со одморање или земање таблети против болки.
Мачнина
Никогаш не треба да се игнорира необјаснива мачнина и повраќање. Ако се будите облеани со студена пот, со чувство на мачнина и повраќање, тоа можат да бидат симптоми на грип, но и на тивок срцев удар.
Ако инстинктот ви говори дека станува збор за нешто посериозно, послушајте го и советувајте се со доктор.
