Пожар избувна на изолатор на трансформаторот на блок 3 во РЕК Битола синоќа во 22:50 часот, но брзо беше изгаснат и нема повредени, информираа од АД Електрани на Северна Македонија.
„Пожарот изби на блок 3 во РЕК Битола, еден од двата блока со кои во моментот работеше комбинатот (блок 1 и 3). Огнот изби во 22:50 часот на изолатор на трансформаторот на блок 3, надвор од електраната. Нема повредени, а огнот е брзо изгаснат“, стои во соопштението од АД Електрани на Северна Македонија.