Свет

Пред да ослабне во тропска бура, ураганот Флоренс понесе пет жртви

15. септември 2018 - 10:12 | МИА

Вилмингтон, 15 септември 2018 (МИА) - Ураганот Флоренс ослабна до степен на тропска бура, што е олеснување за Американците, но претходно зеде пет жртви во Северна Каролина.

Првите жртви се мајка и бебе кои загинале откако паднало дрво врз нивната куќа во Вилмингтон. Таткото е хоспитализиран. 

Една жена почина од инфаркт во Пендер Каунти откако болничко возило не успеало да стигне до нејзиниот дом поради блокадите на патиштата предизвикани од ураганот. 

Четвртиот човек загина во округот Ленор, обидувајќи се да го вклучи неговиот генератор, додека околностите околу смртта на петтата жртва се непознати.

Националниот центар за урагани во Мајами синоќа соопшти дека силата на Флоренс е намалена до тропска бура, но предупреди дека се уште се очекуваат животозагрозувачки налети на ветрот и катастрофални поплави во делови од Северна и Јужна Каролина.

Прогнозата е дек во теков на викендов стихијата значително ќе ослабне. Во текот на наредните денови се очекуваат поројни дождови.

Коментирај