Се подготвува брзо и лесно, а ќе уживате во вкусот.
Состојки:
Половина килограм компири
200 гр спанаќ
2 шолји кисела павлака
2 јајца
Биено сирење
Сол и бибер
Начин на подготовка:
Загрејте ја рерната на 200 степени. Исечете ги компирите на тенки кришки и бланширајте ги во солена вода 5 до 10 минути. Динстајте го спанаќот неколку минути, па исцедете го убаво. Во сад промешајте јајце и павлака и зачинете со сол и бибер.
Во тавче најпрвин ставете лажица од смесата од јајца и павлака и намачкајте на дното па редете компири, спанаќ и завршете со ред компири. Прелијте со остатокот од смесата, нарендајте сирење и запечете во рерна 15-20 минути.
