Брз оброк за љубителите на зачинета храна.
Доколку уживате во кинеска храна, овој рецепт ќе ве воодушеви.
Состојки:
500 гр. пилешки стек
Лута пиперка
4 парчиња млад кромид
2 чешниња лук
Малку кикиритки
2 лажици бело вино
4 лажици соја сос
2 лажици густин
2 лажици масло
Начин на подготовка:
Исечете го пилешкото месо на коцки и маринирајте го во смеса од 1 лажица вино, соја, масло и густин во малку вода. Оставете го да отстои околу 20 минути во фрижидер.
Пржете го месото додека да добие убава боја. Извадете го од тава, па во истата тава подгрејте го остатокот од течните состојки, густинот, ситно исечканиот кромид и лутата пиперка. Откако ќе се згусне сосот додајте пилешко месо, кикиритки и промешајте. Сервирајте со млад лук и варен ориз.