Дербито синоќа беше во Мадрид каде во интересен натпревар Реал со 3:2 го совлада Интер. Ливерпул, Баерн и Борусија беа немилосрдни кон своите противници полнејќи им ги мрежите, додека Атлетико се сопна во Москва.
Диего Симеоне и неговиот Атлетико не успеаја да дојдат до планираните 3 бода на гостувањето во Моска. Поведоа, но гол од пенал донесе израмнување за Локомотив во 25. минута, а до крајот мрежите останаа да мируваат.
Локомотив - Атлетико 1:1
25' (п) Антон Миранчук - 18' Хосе Марија Хименес
Актуелниот шампион Баерн гостуваше во соседна Австрија каде постигна 6 голови против Салцбург. Иако домаќините први победоа и до 11 минути пред крајот резултатот гласеше 2:2, во фуриозна завршница Германците ја наполнија домашната мрежа.
Салцбург - Баерн 2:6
4' Мргим Бериша, 60' Масаја Окугава - 21' (п), 88' Роберт Левандовски, 44' (аг) Расмус Кристенсен, 79' Жером Боатенг, 83' Лирој Сане, 90'+2 Лукас Ернандес
Табела:
- Баерн 9
- Атлетико 4
- Локомотив 2
- Салцбург 1
Големо изненадување се случи во Украина каде гостите од Менхенгладбах не само што победија, туку тоа го сторија на понижувачки начин со 6:0.
Шахтар - Борусија (М) 0:6
8', 26', 78' Аласан Плеа, 17' (аг) Валериј Бондар, 44' Рами Бенсебајни
Дербито на колото во Мадрид ги оправда очекувањата. По катастрофалната грешка на Ашраф Хакими домашните поведоа преку Бензема, а потоа со 100. клупски гол на капитенот Рамос „Кралевите“ дојдоа до навидум сигурно водство. Лаутаро се погрижи Интер да се врати во игра пред полувремето, а во вториот дел израмни Перишиќ. Во завршницата двата тима одеа на победа, а тоа им успеа на домаќините благодарение на нововлезениот Бразилец Родригу на две минути пред крајот.
Реал Мадрид - Интер 3:2
25' Карим Бензема, 33' Серхио Рамос, 88' Родригу - 35' Лаутаро Мартинес, 68' Иван Перишиќ
Табела:
- Борусија (М) 5
- Шахтар 4
- Реал Мадрид 4
- Интер 2
Фаворитите Манчестер Сити и Порто немаа проблеми со своите противници и со по 3:0 ги преслушаа Олимпијакос и Марсеј.
Манчестер Сити - Олимпијакос 3:0
12' Феран Торес, 81' Габриел Жезус, 90' Жуау Канселу
Порто - Марсеј 3:0
4' Муса Марега, 28' (п) Сержиу Оливејра, 69' Маруланда Луис Диас
Табела:
- Манчестер Сити 9
- Порто 6
- Олимпијакос 3
- Марсеј 0
Аталанта разочара откако на домашен терен доживеа катастрофа од 0:5 од Ливерпул во натпревар во кој Португалецот Жота прослави хет-трик.
Аталанта - Ливерпул 0:5
16', 33', 54' Диогу Жота, 47' Мохамед Салах, 49' Садио Мане
Ајакс уште во 1. минута поведе на гости во Данска кај дебитантот Митјиланд и успеа да ги освои трите бода.
Митјиланд - Ајакс 1:2
18' Андерс Дрејер - 1' Антони, 13' Душан Тадиќ
Табела:
- Ливерпул 9
- Ајакс 4
- Аталанта 4
- Митјиланд 0
Денеска се игра 3. коло и во останатите четири групи.