Градот Њујорк се обидува да го намали и евентуално искорени недозволеното паркирање со необична тактика - споделување на дел од паричната казна со „дојавувачот“.
Предлог-законот се однесува на прекршителите кои ги паркираат своите возила блокирајќи ги автобуските ленти, велосипедските патеки, пешачките премини и тротоарите, што ги става во опасност пешаците и велосипедистите, пренесува NY1.
Интересно е што новиот закон не ги исклучува ни возилата на градските служби, вклучително и полициските автомобили, кои граѓаните исто така ќе можат да ги пријавуваат за непрописно паркирање и со тоа да го надополнуваат својот буџет.
Доколку биде усвоен, новиот закон предвидува и зголемување на износот на казните за паркирање од 115 на 175 долари, така што на градот нема да му се одземе целиот износ од неговиот дел од казната.
Лицето кое пријавило прекршок би добило 25 проценти од 175 долари или околу 44 долари, а остатокот ќе отиде во градската каса.
Предлог-законот е направен според сличен закон што им овозможува на луѓето да пријавуваат автомобили паркирани со вклучен мотор, исто така за процент од напишаната казна, што веќе резултираше со значителни исплати.
Сепак, новиот закон допрва треба да биде одобрен од градските власти, па ќе помине некое време пред градот да започне да им плаќа на „дојавувачите“ процент од казните.