Лукот со црна боја е состојка на азиска кујна, но неговата популарност расте и во останатите држави. Во минатото бил сметан за егзотична, тајна состојка во најекслузивните ресторани ширум светот.
Во последно време црниот лук стана една од омилените намирници кои го зајакнуваат вкусот и хранливите состојки на јадењата. Постои разлика помеѓу црниот и белиот лук, затоа што црниот има повеќе антиоксиданти и изразена текстура, вкус и арома.
Што е црн лук?
Црниот лук е помалку познат зачин и малкумина слушнале за него. Кога се споменува црниот лук, многумина мислат дека тој расте во земјата. Но, тоа е лук чиишто чешниња се претвораат во црно со ферментација под одредени услови, но на еден потполно природен начин. Резултатот од овој процес е лукот кој е бел однадвор, како што сме навикнати, но кога се лупи покажува црни чешниња.
Збогатен со антиоксиданти
Антиоксидансите се соединенија кои можат да влијаат на здравјето. Тие ги неутрализираат штетните слободни радикали за да се спречи стресот. Црниот лук покажува многу поголема биолошка активност од свежиот лук, вклучително со неговите антиоксидативни својства.
Го зајакнува здравјето на срцето
Една од најпознатите придобивки на лукот е неговата способност да го заштити и подобри здравјето на вашето срце. Некои студии покажуваат дека може да биде исто толку ефикасен како и суровиот бел лук.
Го стабилизира шеќерот во крвта
Одржувањето на високи ниво на шеќер во крвта може да доведе до голем број на неповолни здравствени ефекти. На краток рок, може да предизвика симптоми на дијабетес. На долг рок, дури може да предизвика дисфункција на бубрезите, инфекции на кожата и поголем ризик од срцеви заболувања. Додавање на лук во здрава и урамнотежена диета е лесен начин за одржување на нормално ниво на шеќер во крвта.
Го подобрува имунитетот
Вашиот имунолошки систем игра клучна улога во целокупното здравје. Ги елиминира болестите и инфекциите и помага во спречување на хронични состојби. Антиоксидансите кои се наоѓаат во црниот лук го зајакнуваат имунитетот во борба против слободните радикали, го намалуваат воспалението и спречуваат оксидативно оштетување на вашите клетки.
