Додека од Audi се подготвуваат да престанат со производство на автомобили со мотори со внатрешно согорување, од одделот Audi Sport се подготвуваат да станат електричен перформанс бренд.
Кога станува збор за каравани со високи перформанси, многумина ќе кажат дека Audi RS6 Avant е најдобриот. Неговиот брутално моќен твин турбо V8 мотор во комбинација со агресивен дизајн и пространа внатрешност може да ги исполни побарувањата на сите љубители на автомобили.
Според списанието Autocar, наследникот на овој модел ќе биде RS e-tron, електричен караван со одлични перформанси. Се очекува дека ќе ги комбинира елементите на дизајнот на моделот A6 e-tron со перформансите на моделот RS6 e-tron GT.
Концептот А6 e-tron беше претставен претходно оваа година и е еден од досега најубавите концепти на Audi. RS e-tron има два електрични мотора која испорачуваат 590 КС односно 637 КС со активиран Boost Mode. Од 0 до 100 км/ч забрзува за 3,3 секунди.
Audi сака да продаде повеќе од 20 електрични модели до 2025 година, а RS6 e-tron ќе биде најпобаруваниот.
