Скопската полиција поднесе кривична пријава до надлежното Основно јавно обвинителство во Скопје против Ј.П.(27) од село Грчец, Скопско поради „тешка кражба“, дело казниво по член 236 од КЗ на Република Македонија.
Кривичното дело било извршено на 22 јануари околу 12,20 часот пред маркет на улица „Борис Сарафов“. „Оштетениот се паркирал со своето возило „форд експлорер“ со американски регистерски ознаки за да купи нешто од продавница, а возилото го оставил да работи со клучот на бравата. Крадецот ја искористил приликата, влегол во отклученото возило и го одзел.
Оштетениот веднаш реагирал да го стигне и запре возилото, но не успеал, по што телефонски пријавил во СВР Скопје. Од страна на полициски екипи веднаш е отпочната потрага на терен во правец на движење на украденото возило.
Пријавениот J.П. најпрво предизвикал сообраќајна незгода удирајки со одземеното возило во друго возило, по што веднаш гo напуштил местото на настанот во правец на село Кондово, каде го оставил возилото и побегнал. По кратко време Ј.П. е фатен и приведен. Возилото е вратено на оштетениот, кој го препознал Ј.П. како сторител на кривичното дело, информираат од МВР.
