Првата книга поезија на Александра Спасеска синоќа беше официјално промовирана на Саемот на книга, кој се одржува во СЦ „Борис Трајковски“.
На промоцијата говореше авторката, прочита неколку од нејзините песни, а промоторка беше Јулијана Величовска од ПНВ Публикации, издавачката куќа кој ја издаде оваа збирка поезија.
„Благодарам до сите кои дојдоа на вчерашната промоција на 'Прости песни' и до сите кои пратија попатен ветер за да отплови книгата на своето патување кон светот. Радосна сум што го споделувам со вас делот од мене што е најмногу мој. Бидете нежни кон поезијата во вас!“, изјави авторката.
Книгата е достапна на штандот на ПНВ Публикации на Саемот на книга, а може да се набави и онлајн преку Кајгана шоп.
Годинашниот Саем на книга почна во четвртокот, а ќе трае до 10-ти, кога е последниот ден.