Нумизматичарите се љубители на стари пари, но и нови ретки. Затоа особено ценат една монета од 2 евра.
Не се работи за обична монета од 2 евра. Тоа е монета од 2007 година, а примерокот е многу специфичен.
Тогаш, во чест на Грејс Кели, покојната принцеза од Монако, беа направени точно 20.001 копија. Оваа монета носи посебен печат.
На задната страна има слика од профилот на принцезата и пишува дека е издание од 2007 година. На предната страна на монетата има карта на Европа. Се работи за исклучително посебна монета и колекционерите би издвоиле многу пари за нејзин примерок.
Проценките велат дека една ваква монета вреди околу 600 евра.
Монако не е дел од Европската Унија, но е потписник на Монетарниот договор со кој еврото стана официјална валута и во ова мало кнежество.