Пред два дена во Нов Зеланд заврши снимањето на првата сезона на серијата „Lord of the Rings“.
Серијата ќе се емитува на стриминг сервисот Amazon Prime Video. Првата епизода излегува на 2 септември 2022 година, по што секоја недела ќе излегува нова епизода.
Официјалниот Twitter профил на серијата ја објави првата фотографија на која се гледа како би изгледала една од сцените во „Lord of the Rings“.
„На 2 септември 2022 година, започнува нова авантура“, напишаа тие покрај фотографијата. За два дена, твитот е проследен повеќе од 92 илјади пати и има повеќе од пет илјади коментари од обожавателите.
Заплетот ќе се случи за време на ерата Second Age на Толкин, милениуми пред настаните во романот „Хобит“. Многу странски медиуми пишуваа дека ова ќе биде најскапата серија во историјата на телевизијата. BBC објави дека за секоја епизода од серијата биле потрошени 43 милиони фунти.
