Првата дама на Полска го промаши Трамп (Видео)

Претседателот на САД Доналд Трамп беше во посета на Варшава со сопругата Меланија каде беа пречекани од полскиот претседател Анджеј Дуда и првата дама Агата Корнхаузер-Дуда.

Уште на самиот почеток имаа грешка во чекори. Додека се поздравуваа двајцата претседатели, првата дама на Полска енергично тргна кон Трамп, го одмина и се поздрави со Меланија, а Трамп остана со празни раце, па почна да мавта. Непријатноста не заврши тука. Откако Трамп и Агата конечно се поздравија, двете први дами се судрија бидејќи полската пак се залета, а американската подзастана да ги поздрави присутните.

Трамп вчера се сретна со германската канцеларка Ангела Меркел во Хамбург каде разговараа за ситуацијата во Северна Кореја, на Блискиот исток и за украинската криза. На состанокот присуствувале и американскиот државен секретар Рекс Тилерсон и шефот на германската дипломатија Зигмар Габриел.