Зависноста од алкохол е еден од најчестите и најголемите проблеми во денешното општество.
Пиењето алкохолни пијалоци е фактор на ризик за развој на бројни хронични болести и е поврзан со развој на некои малигни заболувања кои се во пораст, како што се ракот на дојката, црниот дроб, дебелото црево, желудникот, панкреасот и хранопроводникот.
Во борбата против незаразните хронични болести, Светската здравствена организација како една од приоритетните цели до 2030 година го постави намалувањето на штетното консумирање алкохол. Првите симптоми на алкохолизам кај секој човек може да се појават во различно време и на различни начини, што го отежнува препознавањето на овој проблем, известуваат од клиниката Мајо.
Додека кај некои луѓе симптомите почнуваат да се појавуваат релативно брзо по почетокот на редовното консумирање алкохол, кај други тие може постепено да се развиваат во подолг временски период. Покрај тоа, подложноста на алкохолизам, исто така, може многу да варира од личност до личност. Како што објаснуваат експертите, знаците на алкохолизам обично вклучуваат:
- неможност да се ограничи количината на консумиран алкохол
- неуспешни обиди да престанете да пиете алкохол
- поминување многу време во пиење алкохол
- чувство на силна желба или нагон за пиење алкохол
- неисполнување на повеќето обврски на работа или дома поради прекумерно консумирање алкохол
- развивање толеранција кон алкохол, поради што е потребно повеќе за да се почувствува неговиот ефект
- откажување или намалување на социјалните активности и хоби поради консумирање алкохол
- консумирање алкохол во небезбедни ситуации, како што е управувањето со возило
- доживување на симптоми на повлекување како што се гадење, потење и тресење кога не се пие.