Навивачите на македонската фудбалска репрезентација кои сакаат ја бодрат нашата селекција на натпреварот Бугарија - Македонија во Разград на 2 јуни од Лигата на нации, од денеска (26 мај) можат да купат билети за натпреварот „Хувефарма“ преку официјалниот партнер на ФФМ за продажба на билети, MKTikets.
Цената на билет за натпреварот е 600 денари (со вклучен ДДВ и достава). Линк за купување на билети за натпреварот Бугарија - Македонија: https://www.karti.com.mk/etickets/TicketList.aspx?pEventID=4312
Продажбата ќе трае до понеделник (30 мај). Своите билети за натпреварот купувачите ќе ги добијат во вторник (31 мај), преку карго достава на адресата која ја имаат наведено при електронското купување на билетите.
Едно лице ќе може да купи најмногу 4 билети со пополнување на бараните податоци за идентификација (име и презиме, датум на раѓање, број на пасош, контакт телефон).
Сите билети кои Фудбалската федерација на Македонија има можност да ги понуди за продажба на македонските навивачи се во секторот на стадионот определен за гостинските навивачи.
„Ги повикуваме сите љубители на фудбалот и поддржувачи на македонската репрезентација со фер и коректно навивање да им помогнат на 'Рисовите' да дојдат до вредни бодови на отворањето на новото издание од Лига на нации“, наведува ФФМ.
Натпреварот на 2 мај ќе се игра на стадионот „Хувефарма“ во Разград со почеток од 20:45 по македонско време (21:45 локално). Стадионот е со капацитет од само 10.422 гледачи, а на него игра Лудогорец.
