Свет

Путин: Светот брзо се трансформира, не смееме да заостанеме

8. декември 2018 - 19:45 | МИА

Рускиот претседател Владимир Путин денеска изјави дека светот е во состојба на моќна трансформација која се одвива динамично и оти, доколку Русија не сфати навреме што и како треба да направи, постои можност засекогаш да заостанува.

– Светот во целост е во состојба на трансформација: многу моќна трансформација која динамично се развива. Ако навреме не се фокусираме, ако навреме не сфатиме што и како треба да правиме, можеме засекогаш да заостануваме, рече Путин на конгресот на партијата Единствена Русија во Москва.

Според него, без јасно разбирање што и како треба да се прави, не треба ни да се доаѓа на власт, затоа што е неопходна програма за дејствување.

Тој истакна дека формирањето највисоки институции на власта во Русија е важна задача, независно од презимето. А зад секое презиме, како што истакна, треба да стои конкретна програма за дејствување.

– Тоа се однесува и на претседателското ниво, и нивото на Владата, и регионалното ниво, на сите, рече Путин.

Коментирај