Пред детето да тргне на училиште родителите често паничат поради читањето и пишувањето на децата, притоа заборавајќи на практични работи кои децата треба да ги усвојат пред да седат на училишните клупи.
Според советите на Kidspot, еве на што би требало да обрнете внимание:
1. Самостојно користење тоалет
Децата треба да научат самостојно да користат тоалет пред да тргнат на училиште, а должност на родителите е да им објаснат дека во училиштето постојат одвоени тоалети за момчиња и девојчиња.
2. Одговорност
Децата треба да сфатат дека отсега тие се одговорни за нивните лични работи како училишниот ранец и паричникот. Научете ги дека тие се исклучиво одговорни за личните работи и ако ги изгубат не можете премногу да им помогнете околу тоа.
3. Научете ги да се изразуваат
Останатите деца нема секојпат да си играат, а вашето дете понекогаш и самото мора да каже „не“ или „не ми се допаѓа“. Еден таков разговор е најдобро да направите пред почетокот на училиштето за децата да можат да научат да ги користат зборовите, а не да се лутат ако постои несложување.
4. Подгответе ги на заминување
Стравот од одвојување е нешто на што децата никогаш не се и нема да бидат подготвени. Пред почетокот на училиштето треба добро да ги подготвите и научите дека, без разлика на новото поглавје во животот, вие секогаш сте овде за нив и дека никогаш нема да ги напуштите.
5. Бидете стрпливи
Дома може да биде „јас, јас и само јас“, но на училиште е друга приказна. Научете ги да делат, нека знаат дека нема во сè да бидат први и дека тоа е сосема во ред.