Војската на Јужна Кореја соопшти дека испукала две балистички ракети како брз одговор на најновата провокација од Северна Кореја, објави државната новинска агенција „Јонхап“.
Експертите се загрижени по брзиот одговор на Сеул, во време на засилени тензии на Корејскиот Полуостров и видна заострена реторика на големите сили низ светот.
Закажана е итна седница на Советот за безбедност на ОН што ќе се одржи зад затворени врати, откако утрово Северна Кореја испука балистичка ракета над Јапонија.
Јужнокрејската војска рече дека испукала ракети „хјунму-2“ од локации во источниот дел на земјата, во близина на границата меѓу двете Кореи, само шест минути откако Пјонгјанг ја испука втората ракета преку Јапонија за помалку од еден месец.
Сеул тврди дека со едната ракета била „точно погодена“ симулирана мета на оддалеченот од 250 километри во Источното Море, што е истата оддалеченост од аеродромот Сунан во престолнината на Северна Кореја, а втората ракета паднала в море „во иницијална фаза“.
