Челси го собори рекордот оваа сезона кога се во прашање обештетувања за доведување играчи.
Лондонскиот клуб потроши повеќе од 600 милиони евра, па во следниот преоден рок ќе мора да ја исчисти соблекувалната и дел од парите да надомести со излезни трансфери.
The Athletic објави дека шест фудбалери си заминуваат од Челси. Тоа се Матео Ковачиќ, Мејсон Маунт, Сесар Аспиликуета, Рубен Лофтус-Чик, Кристијан Пулишиќ и Пјер-Емерик Обамејанг.
Тие имаат договори до летото 2024 година, па Челси не сака да ги загуби без обештетување, бидејќи споменатите фудбалери веќе би можеле да преговараат со заинтересираните клубови и да потпишат преддоговори во јануари следната година.
