Двајца разбојници нападнале и ограбиле маж на булеварот Партизански одреди во Скопје. Нападот се случил вчера околу 23:15 часот.
Едното лице, на А.Џ. (43) му одзело чанта, во која имало околу 400.000 денари, по што побегнало, а другото лице не успеало да избега бидејќи во близина на местото бил фатен од полициски службеник кој не бил на должност и кој случајно бил на местото“, велат од МВР.
Приведеното лице е С.А. (18) од Скопје. По неколку часа, бил уапсен и другиот разбојник, Ш.П. (24) од Скопје.