Неверојатниот 16-годишен фудбалер Ендрик Фелипе е нов играч на Реал Мадрид, објави мадридскиот клуб на својата официјална веб-страница.
„Реал Мадрид, Палмеирас, Ендрик и неговото семејство постигнаа договор според кој играчот ќе може да му се приклучи на клубот кога ќе наполни полнолетство во јуни 2024 година“, пишува на официјалниот сајт на Реал.
Се известува дека Ендрик ќе продолжи да тренира во Палмеирас, а во наредните денови ќе отпатува за Мадрид каде ќе ги посети клупските простории.
Во целиот пакет Реал за услугите на овој играч ќе плати 60 милиони евра, а дополнително ќе треба да плати и 12 милиони евра данок.
Ендрик Фелипе Мореира де Соуса е фудбалер кој е предмет на невидена возбуда во Бразил уште од времето кога Нејмар дебитираше за Сантош пред повеќе од една деценија.
Во младинските категории, Ендрик постигна 170 гола на 172 натпревари играјќи против противници пет-шест години постари од него, па не чуди што сите европски гиганти се наредија за неговиот потпис, но на крајот Реал беше најуспешен.
