Реал Мадрид се стреми по секоја цена да го донесе Французинот Пол Погба во Сантијаго Бернабеу, па така сега подготвува нова понуда за Манчестер Јунајтед.
Англиските и шпанските медиуми известуваат дека „кралевите“ подготвуваат нова понуда до „црвените ѓаволи“ за Погба, вредна 166 милиони евра.
Понудата следи откако Реал го продаде Герет Бејл на кинескиот клуб Ѓијангсу Сунинг и доби значителна заработка од тој трансфер, па сега шпанскиот клуб може да ја оствари својата желба да го донесе напаѓачот на Јунајтед во Мадрид.
Следните денови ќе се знае дали англискиот клуб ќе ја прифати понудата на Реал и да дозволи да си замине големата фудбалска ѕвезда.
За трансферот на Погба во трка е уште еден европски великан - станува збор за шампионот на Италија и негов поранешен клуб – Јувентус.
