Во скоро целата актерска кариера Ребел Вилсон беше позната како холивудска буцка, но оваа година се одлучи за неверојатна трансформација кога станува збор за нејзиниот изглед.
Цела година Ребел упорно тренираше и се хранеше здраво, па нејзината неверојатна трансформација е изненадување за многумина.
Неодамна актерката на Instagram откри дека потребно е да ослаби уште три килограми за да дојде до посакуваната тежина од 75 килограми.
„Оваа недела бев многу зафатена, но три пати станував во шест часот и одев на прошетка. Дури и неколку пати истрчав по 100 метри. Можеби мојот спринт за некого е лесно трчање, но горда сум на себе и само уште три килограми ме делат од посакуваната тежина“, напиша Ребел на Instagram.
Таа е вистинска инспирација за нејзините обожаватели на социјалните мрежи кои постојано ѝ испраќаат комплименти и пораки за поддршка.
