Овој италијански специјалитет е полн со разновидно овошје и кашкавали, а не е тежок за подготовка. Италијанците обожуваат да го јадат.
Фритата е италијанско јадење кое е комбинација на омлет и киш лорен. Во буквален превод значи „прженица“. Во него може да се додаде разновидно овошје, а во зависност од вкусот можете да додадете и сланина, шунка, видови кашкавали... Овој специјалитет можете да го послужите за појадок, но исто така може да го замени и било кој друг оброк, поради својот богат вкус.
Потребни состојки:
- 8 јајца
- 80 мл павлака за готвење
- 3 лажици маслиново масло
- ½ шолја сечкан кромид
- 4 чешниња лук
- 1 шолја сечкана пиперка
- 1 шолја сечкан компир
- 1 шолја сечкана тиквичка
- 2 шолји спанаќ
- 1½ шолја сечкан кашкавал (може различни видови)
- сол
Подготовка:
Изматете ги јајцата со павлаката и посолете. Во тава загрејте масло и додадете го кромидот, повторно малку посолете и пржете додека не омекне. Додадете ги толчениот лук и сечканите пиперка, компир и тиквичка. Продолжете да пржите додека не омекнат. Над зеленчукот сипајте половина шолја кашкавал, па додадете ја смесата со јајцата. Потоа посипете го преостанатиот кашкавал и оставете уште 5 минути на шпорет. Префрлете во загреана рерна и печете на 200°C околу 8 минути. Зачинете по желба.