Зеленчук со пршута во бешамел сос, ручек запечен во рерна.
Потребни состојки:
-мешавина од карфиол, брокула и морков
-50 г путер
-50 г брашно
-1/2 л млеко
-сол, бибер
-исечкана пршута
-кашкавал
-густин
Начин на подготовка:
Кратко попржете го зеленчукот, па ставете го во огноотпорен сад. Подгответе бешамел сос од еднаква количина путер и брашно, околу 50 грама. Кога путерот ќе се стопи додадете брашно и потоа прелијте со половина литар млеко.
Може да додадете густин пред да се згусне сосот. Мешајте додека не ја добиете саканата густина. Пршутата исечена на парчиња распоредете ја по зеленчукот, а потоа прелијте со бешамел сосот.
Посолете и зачинете по желба. на крајот изрендајте кашкавал, па ставете да се пече на 180 степени околу 40 минути.
