Бразилскиот голман Артур Аугусту постигна феноменален гол за својот тим Фејренси од гол на гол каков што ретко се гледа на фудбалските терени.
На мечот од португалската втора лига меѓу Фејренси и Морејренси, Аугусту ја шутна топката од шеснаесетникот, речиси од 100 метри, која падна во незгоден лак пред противничкиот голман и го прескокна, па заврши во мрежата.
Бразилецот жестоко го прослави голот со соиграчите, но неговата радост траеше само две минути. Практично веднаш штом тргна од центарот, Педру Апарисиу во 71. минута повторно го доведе тимот на Морејренси во водство од 2:1, што беше и конечен резултат.
Во секој случај, Аугусту стана хит на социјалните мрежи и долго ќе го памети овој момент.