Снег падна и во сахарската пустина, како и во Саудиска Арабија каде температурите паднаа до -2 степени Целзиусови. На објавените снимки на социјалните мрежи се гледа како тенок слој снег ги прекри песочните дини во Сахара.
Овчарите во Алжир по снег ги водеа овците на пасење, а тој крај, познат како Капија на пустината, се наоѓа на 1.000 метри надморска висина и е опкружен од планината Атлас.
Снегот ги израдува луѓето во Саудиска Арабија, повеќето од нив се упатија кон пустината во регионот Асер за да се фотографираат. Во оваа област 50 години температурата не паднала под нулата.