Шведскиот тенисер Елиас Имер предизвика мал скандал на Челинџер турнирот во Салцбург кога изреволтиран од еден лош потег скрши ТВ камера.
Во првиот сет, кога Французинот Корентен Муте водеше со 5:4, шведскиот тенисер со потекло од Етиопија сервираше, а откако одигра лош потег кој му даде две шанси за брејк на противникот, реши бесот да го истури на топчето.
Едно од момчињата покрај теренот му додаде топче на Имер, а тој со сета сила го удри и ненамерно го упати директно во ТВ камерата, која веднаш пукна.
Имер не доби казнен поен, туку само опомена од судијата, па продолжи првиот сет, но се играше само неколку секунди бидејќи Муте направи брејк и го доби првиот сет во своја корист со 6:4.
Французинот го доби и вториот сет со 6:3 и продолжи понатаму, а интересно е што во следното коло утре ќе игра против помалиот брат на Елиас, Микаел.
