Ричард Бренсон, британскиот бизнисмен, чие богатство вреди повеќе од пет милијарди долари, открива на кој начин ги настанале неговите идеи.
Според зборовите на Бренсон сите негови големи идеи се родиле во када.
„Обожавам да се капам. Во када се опуштам и рамислувам“, вели Бренсон, кој додава дека грижата за себе е клучна состојка за успех.
„Сметам дека луѓето кои не се грижат за себе нема да имаат ниту успешни денови. Единствен начин тоа да го направите е да го почуствувате едофинот и навистина да се чувствувате здрави“, додава тој.
Дека ритуалите во када навистина можат да бидат здрави и корисни за инспирација зборува и психологот Џон Куниус од Универзитетот во Филаделфија.
„Станувате помалку свесни за окружувањето и посвесни за сопствените мисли“, наведува Куниус, одговарајќи на прашањето зошто туширањето најмногу не инспирира.
„Непостоењето на конреткна задача е една од пресудните причини за создавање на изненадувачки идеи“, вели овој психолог.
Друга работа која му помогнала на Бренсон своите идеи да ги претвори во реалност е постојаното поседување на лист и пенкало.
„Она што е неопходно секогаш да го имате со вас, а што многумина не го усвојуваат е лист и пенкало и задолжително држете ги очите отворени. Има толку многу работи кои ќе ве инспирираат, идеи до кои ќе дојдете брзо и набргу ќе ги заборавите ако веднаш не ги запишете“, советува Бренсон
