Легендарниот и контроверзен кошаркар Денис Родман во гостување за подкастот Hotboxin се присети на првата средба со лидерот на Северна Кореја, Ким Џонг Ун, што прерасна во едно необично пријателство.
Родман во 2013 година ја прифати понудата за егзибиционистички натпревар со Харлем Глоубтротерс во Северна Кореја , земја која САД уште ја сметаат за диктаторска.
„Не знаев ништо за Северна Кореја. Мислев дека ќе играме кошарка и ќе има изложба. Му реков на менаџерот дека ќе одам само ако бидам безбеден. Беше фантастично, кога излеговме од авионот имаше црвен тепих. Повеќе од 20.000 гледачи во салата станаа на нозе. Секако, ја поздравив публиката и некој од тимот ми рече: ‘Ова не е за тебе, за него е’, алудирајќи на Ким кој тогаш влезе во салата. Ги прашав дечките кој е типот и тие ми кажаа дека е лидерот на Северна Кореја“, се присетува Родман.
По мечот, Ким Џонг Ун го поканил Родман на вечера и караоке.
„По вечерата се опивме. Тој почна да пее караоке, нешто зборуваше, искрено да ви кажам немам поим што. Сите почнаа да аплаудираат и настана вистински транс и се појави бенд од 18 девојки. Беа одлични, ама свиреа само една песна. Еден човек не може да направи ништо. Неговата земја и неговите луѓе го сакаат. Јас го сакам, супер е“, рече Родман.
