Кристијано Роналдо годишно заработува 93 милиони долари, а веднаш зад него е ЛеБрон Џејмс со 86,2 милиони долари.
Фудбалската ѕвезда и најдобар играч во Реал Мадрид е најплатениот спортист на светот: според месечната плата и спонзорските договори, тој годишно заработува 93 милиони долари.
На второ место е кошаркаската НБА ѕвезда од Кливленд ЛеБрон Џејмс кој годишно заработува 86,2 милиони долари, а трет е фудбалерот на Барселона, Аргентинецот Лео Меси со 80 милиони.
На четврто место е тенисерот Роџер Федерер со 64 милиони долари, а зад него уште еден НБА кошаркар: Кевин Дурант со 60,6 милиони долари.
Меѓу 100-те спортисти со најголема заработка според листата на Forbes има само една жена: тенисерката Серена Вилијамс.
Таа се наоѓа на 51. место со заработка од 27 милиони долари годишно.