Кристијано Роналдо на 38 години почна да подготвува терен за тоа што ќе прави по завршувањето на кариерата, а португалската ѕвезда ќе започне интересен бизнис во родната земја.
Според тврдењата на шпанскиот весник AS, компанијата на португалската ѕвезда наречена CR7 SA, заедно со Lusofinanca, ќе инвестира над пет милиони евра во создавање на грандиозен проект во Португалија.
Поточно, двете страни сакаат да изградат комплекс од 17 терени и 15.000 квадратни метри за падел.
Падел стана хит спорт во светот во последните години и сè повеќе луѓе се одлучуваат да ја играат оваа игра со рекети.
Падел обично се игра во парови на затворен терен кој е приближно 25 проценти помал од тениско игралиште. Бодувањето е исто како во нормалниот тенис, а топчињата што се користат се слични, но со малку помал притисок.
Главните разлики се во тоа што теренот има ѕидови, така што играта може да продолжи кога топката ќе се одбие од нив на сличен начин како да се сквош, и дека цврстите рекети се без конци. Висината на топката при сервирање мора да биде на или под нивото на половината.
Рикардо Оливеира, претседателот на португалската падел федерација, кој даде зелено светло за овој голем проект, беше задоволен што може да смета на Кристијано Роналдо за извршување на оваа мисија.
„Тоа е остварување на сонот. Не можевме да имаме подобри партнери. Одличен бизнисмен и најдобар спортист во светот", рече тој.
Со овој проект Роналдо сака да го изгради најголемиот клуб од ваков тип во Португалија. Проектот би бил завршен на почетокот на 2025 година, што дополнително ќе ја зголеми неговата финансиска империја.
За потсетување, Кристијано веќе има сопствен ланец хотели, клиника за пресадување коса и сопствен ланец на спортски сали.
