Португалскиот напаѓач Кристијано Роналдо на интересен начин го најави утрешното градско дерби меѓу Јувентус и Торино.
„Некој од клубот ми рече: ‘Те молам, мора да победите, инаку баба ми...’ и сфатив дека навивачите на Јувентус особено не сакаат да губат против Торино и против Интер“, вели Роналдо на кого ова ќе му биде прво Дерби дела Моле, што следи седум дена по најголемиот натпревар во Серија А, Дерби дела Италија, во кое Јувентус го совлада Интер со голот на Марио Манџукиќ.
„Секогаш е лошо да изгубиш, не сакам да губам, а дербито секогаш е убава прилика за победа. Спокоен сум бидејќи знам дека оваа екипа може да победи“, рече Роналдо пред торинското дерби.
„Старата дама“ има феноменална сезона со неверојатни 43 бода по 15 кола, а Торино се наоѓа на безбедна далечина на шестото место во Серија А со 21 бод помалку од градскиот ривал.
Дербито меѓу Торино и Јувентус се игра утре, сабота, со почеток во 20 часот и 30 минути.