Одличен десерт за вас и вашите најблиски.
Потребни состојки:
За пандишпан:
7 јајца
7 лажици шеќер
7 лажици брашно
За фил:
2 пудинга од ванила
500 мл млеко
8 лажици шеќер
100 грама бисквити
50 мл рум
250 грама маргарин
150 грама сируп од малина
2 кесички шлаг пена
Подготовка:
Подготовка на пандишпанот: Одделете ги белките од жолчките и потоа со постепено додавање на шеќер изматете ги белките за да станат цврсти, со непрекинато матење со миксер додавајте ги жолчките една по една. Додадете го брашното и измешајте со лажица, смесaта префлете ја во плех за печење. Печете во загреана рерна 15 минути на 200 степени.
Подготовка на фил: Во сад ставете 400 мл млеко и 8 лажици шеќер, ставете на оган да се вари на умерена температура. Посебно измешајте ги кесичките пудинг со 100 мл млеко и откако млекото ќе се свари додадете го пудингот со непрекинато мешање, се додека смесата не ја добие потребната густина. Откако пудингот добро ќе се излади додадете рум и маргарин, па потоа се добро измешајте со миксер. Додадете ги бисквитите претходно искршени на парчиња и сирупот од малина, потоа се добро измешајте за смесата добро да се соедини.
Изладениот пандишпан поделете го на два дела, врз првиот дел ставете го целиот фил па потоа ставете го другиот дел, вториот пандишпан премачкајте го со претходно изматената шлаг пена. Оставете го колачот добро да се излади, а потоа исечете го на коцки.