Рускиот министер за одбрана Сергеј Шојгу објави дека е завршена „делумната мобилизација“ на 300.000 руски резервисти за војната во Украина.
Шојгу изјави дека од 300.000 мобилизирани, 218.000 останале на обука, а 82.000 биле распоредени во зоната на конфликтот, од кои 41.000 во нивните единици.
Соопшти дека во иднина нема да има задолжителен воен рок, туку војската ќе се базира на доброволци и професионални војници.
Сепак, украинскиот претседател Володимир Зеленски се сомнева дека делумната мобилизација во Русија е завршена.
„Многу наскоро, на Русија можеби ќе ѝ биде потребен нов бран луѓе за испраќање во војна“, изјави Зеленски во видео обраќање.
