Русија потврди дека има 232.000 потврдени случаи на заболени од COVID-19, што е втора највисока бројка во светот по САД.
Во изминатите 24 часа во земјата беа регистрирани 10.899 новозаболени, што беше десетти последователен ден со бројка над 10.000 нови случаи.
Меѓу заразените е и портпаролот на Владимир Пурин, Дмитри Песков, објавија локални медиуми. Тој е втор висок владин службеник во земјата кој е позитивен на коронавирусот, по премиерот Михаил Мишустин.
Русија се искачи на непосакуваното второ место еден ден откако претседателот Владимир Путин соопшти дека се олабавуваат рестриктивните мерки во змејата. Од вчера на работа се вратија вработените во фабриките и градежништвото, но Путин нагласи дека согласно состојбата во одделни региони, локалните власти имаат слобода да ги задржат строгите мерки.
И покрај високиот број на заболени, билансот на починати од болеста во Русија сепак не е многу голем и досега има 2.226 смртни случаи од COVID-19. Владата вели дека тоа е резултат на програмата за масовно тестирање, но постои стравување дека реалниот број на починати од коронавирусот е многу повисок.
Москва е епицентарот на епидемијата во Русија – таму има повеќе од половина од бројот на заразени и повеќе од половина од бројот на смртни случаи.
Засега САД имаат најголем брј на заболени од коронавирус – над 1,3 милиони, што е речиси шест пати повеќе во споредба со другите земји. Бројот на смртни случаи од COVID-19 во земјата андмина 81.000.
Според податоците на сајтот Worldometers, во светот има регистрирано 4.354.545 заразени со коронавирусот, од кои 293.033 починале, а 1.609.611 оздравеле.