Victoria's Secret денеска ги затвора своите филијали во Русија, а многу граѓани побрзаа во продавниците за да ја искористат последната шанса да купат долна облека и слично парче облека.
Компанијата синоќа ја прекина онлајн продажбата во Русија. На социјалните мрежи почнаа да излегуваат видеа од огромни редици во продавниците на споменатиот моден бренд.
„Видете кој е нивниот приоритет“, напиша еден корисник на Twitter.
„'Добрите' Руси го изразуваат својот протест против бомбардирањето на детската болница во Украина“, додаде друг.
„Изгледа дека Русите се повеќе загрижени за затворањето на Victoria's Secret отколку за луѓето што умираат во Украина“, е исто така еден од коментарите.
Да потсетиме, многу други компании решија да се повлечат од Русија, а меѓу нив се McDonald's и IKEA.
Администрацијата на McDonald's соопшти дека конфликтот во Украина и хуманитарната криза во Европа предизвикале неискажливи страдања на невини луѓе и дека тие му се придружуваат на светот во осудувањето на агресијата и апелите за мир.