Рускиот производител на алкохолни пијалаци АСГ ќе ги извезува своите производи на странските пазари преку Србија.
Големата сибирска компанија која произведува познати брендови на вотка „Белая Березка“, „Сиббиттер“ и „Пять озер“ го отвори АСГ Глобал Балканс во Србија за извоз на странските пазари, пренесува дневниот руски бизнис весник Коммерсантъ.
Овие податоци доаѓаат од српската агенција за деловни регистри (АПР), а компанијата АСГ преку огласи бара менаџери за извоз кои се специјализирани на пазарите во Израел, Турција и Латинска Америка.
Правата на некои брендови на АСГ, како што се брендот за џин „Брум“ и вискито „Барџест“, се пренесени и на АСГ Глобал Балканс.
Изворот на Коммерсантъ наведува дека со извозот на производите на АСГ претходно се занимавала компанија од Кипар, но по воведувањето на санкциите на ЕУ против Русија ситуацијата значително се искомплицирала.