Руските билкари и нутриционисти ја почитуваат старата поговорка дека храната може да биде најмоќниот лек, а за корисните својства на хелдата знаеле многу пред да стане светски тренд.
Хелдата (може да ја најдете и како „хељда“) многу често погрешно се смета за житарка, а таа всушност е семе од фамилијата растенија поврзани со рабарбара.
Ова семе се препорачува за сите кои го исфрлаат глутенот од исхраната. Посебно е важно да има висок процент на резистентен скроб, за да стигне до дебелото црево. Така, ги снабдува најважните, скапоцените бактерии и добро влијае на целиот метаболизам на шеќерот во телото.
Хелдата содржи витамини од групата Б, како и магнезиум, калциум и фосфор, а нејзините состојки благотворно делуваат на срцевиот мускул, ги зајакнуваат неговите контракции и помагаат да се воспостави нормален ритам.
Поради позитивните ефекти на хелдата, таа се користи на различни начини во Русија. Најдобро би било да земете зелена хелда, онаа што не е термички обработена, и да ја сомелете.
Две лажици мелена хелда (околу 20 грама) прелијте ги со шолја топла вода и убаво измешајте. Поделете ја оваа количина во две дози. Едната доза испијте ја наутро, а втората навечер и продолжете така секој ден во текот на два месеца.
Можете да направите и чај од зелена хелда - прелијте 20 грама хелда со половина литар топла вода и варете на тивок оган околу половина час. Процедете и пијте во две до три дози.
Не мора да ја готвите зелена хелда. Можете да ја измешате, свежо мелена, со една шолја кефир и да ја оставите на ладно (не во фрижидер!) преку ноќ. Измешајте и јадете наутро. Оваа мешавина се смета за најмоќна бидејќи ферментацијата ја прави добра за варење, а кефирот додава важни витамини и минерали.