Американски полицајци убиле глувонем маж во Оклахома кој во раката држел метална цевка, пренесе Би-би-си.
Мажот бил застрелан затоа што ги игнорирал полициските наредби.
„Двајцата полицајци не ги слушнале соседите кои викале дека мажот не може да ги слушне“, рекол челникот на полицијата Бо Метју.
Магдиел Санчез (35) бил застрелан во вторникот во рамки на полициска потрага по возач кој со атомобил удрил во друго возило и избегал.
Всушност, возачот што ја предизвикал сообраќајката бил неговиот татко, а не Санчез.
Кога полицајците пристигнале во близина на куќата на Санчез го забележале како седи на тремот, а во раката држел метална цевка. Тој не одговорил на нивните наредби и тие отвориле оган кон него.
Санчез немал криминално досие.
За убиството е отворена истрага, а ниту еден од двајцата полицајци не носеле камери на униформата, што е задолжителна обврска во САД.