Холивудската актерка отриква како дури седум недели грчевито се борела со вирусот COVID-19.
Во интервју за Variety таа вели дека се заразила уште на почетокот од пандемијата и дека за малку не ја загубила битката. Кога добила позитивен тест одлучила тоа да го држи во тајност и не го откривала сѐ до сега.
Ситуацијата толку ѝ се влошила што морала да прима кислород. Во самоизолација во својот дом заглавила дури седум недели бидејќи одбила да оди во болница и покрај советите од лекарите.
„Докторот ме молеше да одам во блница бидејќи воопшто не бев добра. Му реков: 'Не, благодарам. Порадо да си умрам дома'“, раскажува таа.
Кога се опоравила, првиот филм што го сними беше „House of Gucci“. Но, вели дека до ден денес воопшто не се чувствува како што се чувствувала пред заразата. За време на снимањето се чувствувала необично уморна.
„Немаше време за опоравување. Но, лесно беше бидејќи беше совршена работа за враќање после болеста“, додава.
Иако својата дијагноза не ја сподели со јавноста, Хајек во ноември накнадно објави видео од нејзиното тестирање за COVID-19.
Освен „House of Gucci“ таа ќе се појави и во „The Hitman's Wife's Bodyguard“, продолжение на акциониот филм од 2017 година во кој нејзиниот лик Сониа Кинкејд се појави само две минути. Новиот филм, во кој глумат Рајан Рејнолдс и Семјуел Л. Џексон, сепак ќе биде фокусиран на нејзиниот лик.
