Сингапур планира воведување на самоуправувачки автобуси на јавните патишта до 2022 година.
Владата во Сингапур соопшти дека автобусите првобитно ќе се појават во три нови населби, на чии улици сообраќајот нема да биде толку густ.
Автобусите ќе се користи за превоз на жителите во рамките на нивните заедници, како и до околните железнички и автобуски станици.
Густо населениот Сингапур се надева дека самоуправувачката технологија ќе и помогне на оваа земја да се справи со просторното ограничување и недостатокот на работна сила.
„Автономните возила значително ќе ја подобрат пристапноста и поврзаноста на нашиот јавен транспортен систем, што посебно ќе биде корисно за постарата популација, за семејствата со мали деца, како и за изнемоштените лица“, изјави министерот за транспорт и врски на Сингапур.
Самоуправувачките автобуси ќе ги пополнат моменталните услуги на автобусите, со кои управуваат луѓе, а ќе бидат во функција во текот на периодот од денот кога сообраќајните гужви се најголеми.
Сингапур се надева дека ќе стане лидер во полето на автономните технологии, а оваа технологија ја тестираат најмалку десет сингапурски компании.
